ده حبيبا شغل العقول ،، من الأغاني الرائعه
المثير للشجون . أهديها لك وللمشاهدين
الطيب مدثر ومحمود تاور
الشاعر أحمد عمر الرباطابي
الحَبِيْب الشَغَل العِقُول النَغَنِي عَليهو ونَقُولْ
وين يا راقي منك طولنا طول
الحَبيِب أَبْ قَدَراً سَمَا يا مَلاك مِنْ بَدْر السّما
الظَبَي العِيشتُو مُقيّمة حِنْ عَلِي رُوحِي وأرْحَما
وين يا راقي منك طولنا طول
العيون ساهرات طَوّلَن بي دمُوع الشُوقْ إتْملَن
القلوب بالنار أنْكوّن أرَحَمِن كيفْ يِتْحَمَلَن
ليه يا راقي منك طولنا طول
إنت لابِسْ تَوبْ العَفَافْ يا أبْ كَلاماً خَاتِي الجَفَاف
إنت ظُرْفَك نَالُو الظُرَفاء الظُرَاف والشباب مُعْتَرِف إعْتِراف
ليك يا راقي منك طولنا طول
مما شَافَك قَلْبي الغَيُور زَاد سَعادة وبَلَغ السِرور
وَين شَبِيهَكْ بين البُدُور والله يَدِيك زَي مَا تَدُور
وين يا راقي منك طولنا طول