شركة NET249 تبتز منتديات الفنان شكرالله عزالدين بكل وقاحة

مسااءكم ورد ..

انا MuStafA مدير الدعم الفني في موقع الفنان شكر الله وحابي اوضح ليكم اكتر لكي توصل المعلومة كاملة لقارئيين الصحيفة ويحذرو من الشركة ..

في البداية الفنان شكر الله عز الدين عايز يعمل موقع ولسؤ حظه وقع في شركة net249 وكانت الكارثه انو الشركة نصبت على الفنان شكر الله ..
طالبة الفنان 4 مليون جنيه سوداني بالعملة القديمه مقابل انشاء موقع ومنتدى للفنان تصميم استضافه وانا طبعا خبرتي في النت ماحصل شفت موقع اتعمل بمبلغ زي المبلغ دا حتى المواقع العربية الكبرى مابتحصل المبالغ دي الشي المعروف لدى شركات الاستضافه والتصميم اسعارم بتبدا من 200 الف جنيه ولو بالغو بالغو شديد مابوصلو الـ مليون جنية وممكن تخشو تتاكدو من الكلام دا وانا تقييمي كادعم فني بقيم شغل الشركة في موقع شكر الله مبلغ مابتعدا ال 600 الف جنية .. دي اول نقطهـ

تاني نقطه انا استلمت الدعم الفني في الموقع في الموقع قبل شهرين تقريبا اول مادخلت على الموقع لقيتو مقلوب فوق تحت حسيت انو الكان ماسكو زول برلوم مواقع انا علشاان اصلح اخطاء الموقع واضيف ليهو الاضافات اللازمه للموقع قعدت يومين في اليوم كنت بشتغل على الاقل 9 ساعات مع انو الشغل دا كلوو كان شغل شركة الاستضافه دعم الموقع فنيا ولمن المنتدى بقى تماام واشتغل ميه الميه وزاد عدد الاعضاء والزوار وعملنا ليهو استايل احترافي بمساعدة من الزميل مقبل سوركتي من شركة حلول العربيه بملغ لايتجاوز الـ 150 دولار بدات شركة الاستضافه net 249 بالحقد على المنتدى بسبب انو ماعملنا الاستايل عندهم وحابي اوضح انو الاستايل الكان مركب في البدايه كان من تصميم net249 استايل ممكن اي انسان بعرف يتشغل فتوشوب يعملو استايل بايخ بمعنى الكلمة وكلو مشاكل المهم الشركة زعلت وقالت هي الاولاء بان تعمل استايل للمنتدى من شركة حول وسحبت الاستايل عيينك عينك وبدت تلعب في خصائص المشرفين والمراقبين والمدراء الذين على ايديهم تاسس المنتدى وصول للي وصل ليهو حاليا وجيت انا قلت ليهم رجعو لينا الاستايل وعايزين نغير الاستضافه منكم رفضو رفض تام مع انو مايحق ليهم الرفض وقلت ليهم رجعو لينا الاستايل بتاعنا ايضاء رفضو يعني بالعربي (( حقاااارهـ )) ووصلت بيهم انهم مسحو المنتدى ومسحو تعب الناس وسهرم بضغطه واحده وطالبو بمبلغ 1000 دولار شهريا علشان يدونا الدومين والموقع والاستايل ولمن سالناهم ووين المنتدى قالو اتسمح بواسطه ادارة المنتدى والادارة ماعندها خصائص تمسح اي شي الخصائص كلها عند شركة الاستضافه يعني كضب عينك عينك ____ وحابي اوضح ليكم عمل شركات الاستضافه عامه >> تركيب الموقع ومساحة الموقع فقط والدعم الفني في حالت حصل خطاء من السيرفر ولامن البرمجه يعني شغل فني فقط >> لاكين شركة net249 سيطرة على الموقع كلو كانو بتاعه يعني ماكفاها نصبت على الفنان شكر الله بال الاربعه مليون وكمان عايزه تتحكم في الموقع كانو حقها .. مانقول الا حسبنا الله ونعم الوكيل وياريت تحذرو الناس من الشركة دي